Alsaker-konsernet, som er konsernselskapet til Alsaker Fjordbruk, fekk eit driftsresultat på 525 millionar kroner i 2020. Med ein omsetnad på 1.915 millionar kroner gir dette ein driftsmargin på 27,4 prosent.
«Produksjonsmessig har 2020 vore eit middels godt år for konsernet, med framgang i fleire deler av produksjonen. Både produksjonsvolumet og slaktevolumet gjekk opp samanlikna med 2019», skriv Alsaker i ei pressemelding.
I 2020 produserte konsernet nesten 40.000 tonn laks, mot 38.000 tonn året før.
| Alsaker Konsern | 2020 | 2019 | Endring |
| Omsetning | 1914,7 | 2003,7 | -4,4 % |
| EBIT | 525,0 | 659,5 | -20,4 % |
| Resultat før skatt | 496,3 | 679,2 | -26,9 % |
| Driftsmargin | 27,4 % | 32,9 % | |
| Alle tall i millioner kroner | |||
Alsaker er eit vertikalintegrert oppdrettskonsern med produksjon av laks. Konsernet dreiv i 2020 fire smoltanlegg, 24 matfiskkonsesjonar, eit slakteri og eit havbrukssenter. Produksjonen i konsernet skjer i 14 kommunar: Alver (Meland), Bjørnafjorden (Fusa), Bømlo, Etne, Kvam, Kvinnherad, Sveio og Tysnes i Hordaland, samt Haugesund (Røvær), Stavanger (Rennesøy), Sandnes, Suldal, Tysvær og Vindafjord i Rogaland.
Bokført eigenkapital i konsernet var ved utgangen av året 1.703 millionar kroner – noko som gir ein eigenkapitalandel på 60 prosent.
Ved utgangen av 2020 var det 248 fast tilsette i Alsaker-konsernet.
