Alsaker-konsernet fekk eit driftsresultat på 1.182 millionar kroner i 2023.
Med ein omsetnad på tre milliardar kroner (opp frå 2.970 millionar kroner i 2022) gir dette ein driftsmargin på 39,3 prosent. Det skriv konsernselskapet til Alsaker Fjordbruk i ei pressemelding.
Driftsresultatet gikk ned frå 1.212 millionar kroner i 2022, til 1.182 millionar kroner i 2023. Årsresultatet minka frå 964 millionar kroner i 2022, til 580 millionar kroner i fjor.
I 2023 produserte konsernet 36.000 tonn laks, som er litt mindre enn året før. Slaktevolumet gikk også ned.
Etter at norske myndigheiter innførte grunnrenteskatt frå 1. januar 2023 har skattekostnaden i konsernet auka kraftig, frå 21 prosent i 2022, til 50 prosent i 2023. Selskapet oppgir ein skattekostnad på 579 millionar kroner for 2023.
Alsaker er eit vertikalintegrert oppdrettskonsern for lakseproduksjon. Konsernet dreiv i 2023 fire smoltanlegg, 24 matfiskkonsesjonar, slakteri, reinsefiskanlegg og eit havbrukssenter. Konsernet har også eigen brønnbåt og ein stor flåte av servicebåtar. Produksjonen skjer i 14 kommunar i Vestland og Rogaland.
Ved utgangen av 2023 var det 277 tilsette i Alsaker-konsernet.
| Alsaker | 2023 | 2022 | Endring |
| Omsetning | 3004 | 2970 | 1,1 % |
| EBIT | 1182 | 1212 | −2,5 % |
| Resultat før skatt | 1159 | 1223 | −5,2 % |
| Driftsmargin | 39,3 % | 40,8 % | |
|
Alle tall i millioner kroner
|
