Etter eit krevjande 2023, prega av tap grunna konkursar hos kundar, leverer Østerbø Solutions eit betre resultat for 2024.
Omsetninga blei på 167 millionar kroner og EBIT på 5,2 millionar kroner.
– Vi har gjort meir av det vi er gode på, og vi har dyktige folk som har stått på i ei tid med store endringar. Det er årsaka til at vi no ser ei positiv utvikling, seier administrerande direktør Ketil Tømmernes i ei pressemelding.
I omstillinga i 2024 har marknadsposisjon Østerbø har innan reservekraft og sikker strømforsyning vore viktig for å sikre både aktivitet og lønsemd.
Med nye kundar og eit større nedslagsfelt i marknaden er utsiktene positive.
– I vekstfasen vi er inne i no, er det avgjerande å halde fram med kontinuerleg forbetring, understrekar Tømmernes.
