– Det er snakk om millionverdiar. Me utfører ei teneste for andre, og det er ein verdi me skal ta vare på. Det kan bli eit kostnadsspørsmål etter kvart, men me har tru på at me skal greie å berge fisken, seier Kristin Bergstøl Hansen, administrerande direktør i Slakteriet Holding AS til NRK.
– Vi er litt usikre på omfanget, og veit ikkje kva olja kjem frå, seier vakthavande ved brannvesenet i Florø, Olav Strømsøy.
Olja har kome heilt inn til og inn i merdane på eit oppdrettsanlegg i området.
Alarmsentralen fekk meldinga 14.30, og brannvesenet har lagt ut lenser på 250 meter rundt heile oppdrettsanlegget, slik at ikkje meir olje kjem inn til laksen.
– Vi håpar det trekk seg ut av merdane og inn i lensene når det blir fjære i sjøen. Men dette er jo ikkje bra for laksen, seier Strømsøy.
