Nordfjord Laks og Svanøy Havbruk, har gjort avtale om kjøp av henholdsvis 33 og 34 prosent av aksjane i Sande Settefisk på Rygg i Gloppen Kommune.
Etter transaksjonen vil Sande Settefisk ha følgjande eigarstruktur: Hyen Fisk 33 prosent, Nordfjord Laks 33 prosent og Svanøy Havbruk 34 prosent.
Selskapa vil gjennom investeringa, sikre utbygging av nytt klekkeri og påvekstanlegg ved Sande Settefisk. Selskapet ynskjer å ta i bruk ny og moderne resirkuleringsteknologi for å sikre framtidsretta smoltproduksjon
I samband med transaksjonen er det valgt nytt styre og tilsett ny dagleg leiar i selskapet. Det nye styret består av: Svein Klævold (styreleiar), Kurt Djupvik og Ove Inge Vågen.
Fra 1. januar 2020 vil Tom Wilke overta som dagleg leiar i selskapet. Wilke har jobba i Sande Settefisk i om lag 20 år, dei siste åra som driftsleiar. Han overtar etter Åsmund Ommedal, som har vore dagleg leiar både på Sande Settefisk og Hyen Fisk dei siste åra.
– Åsmund vil fortsette som dagleg leiar på Hyen Fisk. Styret i Sande Settefisk vil nytte anledningen å takke Åsmund for den gode jobben han har gjort for Sande Settefisk, skriv selskapet i ei pressemelding.
