Aqua Seawork og Fitjar Mekaniske Verksted har signert design- og byggekontrakt på ein arbeids- og servicebåt av typen HFMV W15 Sørfonn.
Det skriver Fitjarposten.
Fartøyet er ein katamaran med hovuddimensjonar 14.95 x 12 x 3.9 m LxBxDriss. Båten får byggenr. FMV 238, blir designa og bygd komplett på Fitjar og skal overleverast i mars 2018.
– I mai 2017 leverte vi FMV234 «Aqua Star» til same reiarlaget. FMV er særs godt fornøgd med igjen å ha blitt føretrekt som designleverandør og byggeverft for ein avansert arbeidsbåt til Aqua Seawork. Det er kjekt at tidligare kunder vel å komma tilbake til oss, seier verftsdirektør Hugo M. Strand.
I forhold til «Aqua Star» har FMV238 større maskineri og krankapasitet.
Aqua Seawork held til i Herfjord, Åfjord kommune på Fosen-halvøya, og blei etablert i 2013. Reiarlaget eig per no fire fartøy av HFMV design, FMV238 blir det femte.
