Appen vil gjere det enklare å rapportere avvik inni kvalitessystemet DagenMin, Salmon Group sitt eigenutvikla system. Når brukaren registrerer ei hending eller ein mangel på sin mobiltelefon, vil den no gå rett inn på rett plass i kvalitetssystemet sin database. Dette minimerar sjansen for kommunikasjonssvikt eller andre grunnar for manglande innrapportering, skriv Salmon Group i ei pressemelding.
– Dette vil gjere kvardagen enklare og kvalitetssystemet sikrare, seier kvalitetsleiar Solveig Willis i Salmon Group. Ho har hatt fokus på brukarvenlege løysingar i utviklingsarbeidet med DagenMin.
– Vi må ha eit system som blir brukt og verdsett som viktig på arbeidsplassen, samstundes som det må fylgje krava til standardar som Global GAP, seier ho.
Foreløpig er appen tilgjengeleg for android, og tilgjengeleg på Google Play. Ein versjon for Apple er undervegs.
