Alsaker har inngått ein bindande avtale om kjøp av 100 prosent av aksjane i Bolaks Group, og skapar med det den klart største privateigde oppdrettsverksemda på Vestlandet.
Alsaker og Bolaks vil til saman ha over 25.000 tonn maksimal tillatt biomasse (MTB) i PO2 og PO3 og vil utgjere ein sterk lokaleigd oppdrettsaktør med god forankring i mange lokalsamfunn på Vestlandet. Produksjonspotensialet til det samla konsernet vil overstige 50.000 tonn, fremgår det av ei pressemelding.
Verksemda vil dra nytte av ein felles og fullintegrert verdikjede og kunne optimalisere utnytting av settefiskanlegg, lokalitetar, brønnbåt, servicebåtar og slakteri. Alsaker er overtydd om at oppkjøpet vil trygge lokale arbeidsplassar og utløyse betydelege driftsfordelar gjennom heile verdikjeda.
Les også: Mange aktører sikler på Lingalaks: Hvem trekker det lengste strået?
– Bolaks er glad for å kunne annonsere at me gjennom denne transaksjonen sikrer selskapet sin drift og vidare satsing i Bjørnafjorden. Som ein del av Alsaker, som me kjenner som eit veldrevet oppdrettskonsern, vil Bolaks stå sterkare og få gode utviklingsmuligheter fremover, seier styreleder Grunde Bruland.
Alsaker, heileid av Gerhard Alsaker, har 24 konsesjonar og ein integrert verdikjede med eigne settefiskanlegg, slakteri, brønnbåt og servicebåtar.
Bolaks er eit lokalt forankra oppdrettskonsern med verksemd i Bjørnafjorden kommune. Selskapet eig ti kommersielle matfiskkonsesjonar, to stamfiskkonsesjonar, og eit løyve til landbasert akvakulturproduksjon. I tillegg er Bolaks eigar av majoriteten av aksjane i Sævareid Fiskeanlegg som gjer at konsernet er heilintegrert i produksjonen frå stamfisk/rogn til matfisk.
