Alsaker Fjordbruk har fått overlevert sin tredje katamaran frå Tobias Båt.
– I hamna i dag låg ein splitter ny arbeidsbåt og venta i morgonsola, skriv selskapet på Facebook.
Det var arbeidsbåten «Marta A» som hadde tatt sjøvegen nedover til Tysnes, frå Tobias Båt i Austrheim i Vestland.
«Marta A» er den tredje Tobias-katamaranen i Alsaker Fjordbruk, opplyser selskapet. «Olav V» kom i februar 2025: – Den og «Anna A» har fått prøve seg på fleire lokaliteter, og er no i drift på lokalitetane Ebne og Ystanes, skriv Alsaker Fjordbruk.
Foto: Alsaker Fjordbruk– Nokon meiner kanskje at katamaranar ikkje er dei vakraste båtane på fjorden. Men dei gjer jobben – og det er fleire av lokalitetane våre som håper på å få ho i arbeid hjå seg.
